Fréttir

Það hefur verið frekar rólegt á höfninni undanfarið. Hefðbundnar togaralandanir Drangeyjar og Málmeyjar auk fastagestanna Skaftafells og Lagarfoss. Selfoss er væntanlegur í fyrramálið og Silver Framnes á sunnudag. Onni og Lilja hafa aðeins róið og svo bræðurnir á Kalda og Hafborgu. Víðimelsbræður vinna að hafnarbótum og Steypustöðin undirbýr grunn að nýjum fiskmarkaði í Sandbúðum.

Nýr og glæsilegur bátur bættist í flota FISK-seafood um daginn. Hann ber nafnið Lundey og umdæmisnúmerið SK-3.

Athygli sjófarenda er vakin á því, að flóðljós á norðurgarði og "vörtunni" loga ekki vegna framkvæmda. Græna innsiglingaljósið logar þó.