Málmey í breytingar.

Botnvörpungurinn Málmey SK-1 hélt af stað til Pólands upp úr hádeginu í dag. Nánar tiltekið til Gdansk, en þar munu fara fram gagngerar breytingar á skipinu.  Áætlað er að breytingarnar taki um tvo mánuði. Mun skipið svo stinga við stafni á Akranesi á leið til heimahafnar eftir breytingarnar og verður sett í skipið þar nýr búnaður á vinnsludekkið.  Mun skipið svo fara til veiða á nýju ári.