Á Sauðárkrókshöfn er þjónusta við skip og báta allan sólarhringinn. Daglegur vinnutími er frá 0800 til 1800 alla virka daga, en bakvakt þess utan og er vaktsími 861 3478.
Bækling um höfnina má finna hér
Sauðárkrókshöfn er með heildarlengd viðlegukanta um 660 metra. Eru það Fremri garður 200 metrar, Efri garður 200 metrar, Syðri bryggja 160 metrar og síðan eru viðlegur fyrir minni báta ca. 100 metrar. Við viðlegukant flutningaskipa, Fremri garð, er dýpi á meðalstórstraumsfjöru um 6-7 metrar nema á fremstu 130 metrunum þar er dýpi um 8 metrar, við Efri garð er dýpi að jafnaði 6-7 metrar. Við Syðri bryggju er dýpi frá 6 metrum NA megin að 4-5 metrum SV megin. Innsiglingarennan er með 7 til 8 metra dýpt.
Á öllum viðleguköntum er hægt að afgreiða vatn og rafmagn nema á viðlegum minni báta, þar er einungis hægt að afgreiða rafmagn.
Höfnin hefur eina bílavog 12 mtr. langa sem tekur 60 tonn og eina pallvog sem tekur 2 tonn.
Sauðárkrókshöfn er meðalstór fiski- og flutningahöfn með alla algenga hafnarþjónustu. Má þar nefna löndun afla, frysti og kæligeymslur, flutning afla á markað, afgreiðslu á eldsneyti og smurolíum, hverskonar véla og viðhaldsvinnu, netagerð og allur kostur afgreiddur í skip.
Einnig öll almenn afgreiðsla flutningaskipa, þar sem Vörumiðlun hefur á að skipa góðum tækjakosti.
Á Sauðárkróki er fjölbreitt úrval verslana og þjónustufyrirtækja.
